Almaty ákimi Darhan Satybaldy qalalyq keńistikti dizain-kod talaptaryna sáikestendirý máselesi boiynsha keńes ótkizdi, dep habarlaidy ult.kz.
Jiynda retsiz ornatylǵan jarnamalyq qurylymdar, mańdaishalar men kireberisterdiń biryńǵai talapqa sai bezendirilmeýi qalanyń sáýlettik kelbetine nuqsan keltirip, shahardyń estetikalyq kelbetin buzyp otyrǵany aityldy.
Belgilengen talaptardyń saqtalýyn baqylaýdy kúsheitý úshin dizain-kodtyń keibir normalaryn zaman talabyna sai beiimdeý men jáne zańnamaǵa ózgerister engizý jóninde usynystar daiyndaý tapsyryldy.
Bul rette, qalalyq keńistikti retke keltirý jumystary qazirden bastaldy. Birinshi kezekte ózgerister keshendi kórkeitý júrgizilip jatqan kóshelerde qolǵa alynyp, keiin kezeń-kezeńimen qalanyń ózge aýdandaryn qamtidy.
Tiisti basqarmalar men aýdan ákimdikteri osy baǵyttaǵy jumysty kúsheitýge tiis.
