Almaty politsiiasy jeke úilerge qarýly shabýyl jasaǵan qylmystyq topty ustady, dep habarlaidy QazAqparat.
Almaty qalalyq Politsiia departamentiniń málimetinshe, ustalǵandar 29 ben 36 jas aralyǵyndaǵy 4 er adam. Belgili bolǵandai, olar Almaty oblysynyń turǵyny. Ekeýi – buryn tonaý jáne bótenniń múlkin urlaǵany úshin sottalǵan.
«Qańtardyń 5-nen 6-na qaraǵan túni jappai tártipsizdikter kezinde búlikshiler jeke kúzet uiymdarynyń qyzmetkerlerine birneshe ret shabýyl jasap, olardyń qyzmettik qarýlaryn tartyp alǵan. Odan keiin jeke úilerge basyp kirip, úi ielerin avtomatpen jáne basqa da atys qarýymen qorqytyp, jeke múlki men eki avtokólikti iemdengen. Bul qylmystardy ashýǵa qalanyń kriminaldyq politsiia basqarmasynyń qyzmetkerleri kómektesti», – deidi Medeý aýdandyq politsiia basqarmasynyń bastyǵy Dáýren Ótebaev.
Kúdiktiler qamaýǵa alyndy.
Politsiia ókiliniń aitýynsha, zattai aiǵaqtar, onyń ishinde kúzetshilerden tartyp alynǵan qarýlar tárkilenip, QR QK-niń 192-baby jáne 291-baby boiynsha tergelip jatqan qylmystyq is materialdaryna tirkeldi.
Qazir ustalǵandardyń basqa da qylmystarǵa qatysy bar-joǵy tekserilip jatyr.
