Almatyda bir otbasynyń úsh balasyn kólik qaǵyp ketti, dep habarlaidy QazAqparat.
Oqys oqiǵa Uljan shaǵyn aýdanyndaǵy №152 mekteptiń mańynda Tákejanov kóshesinde bolǵan.
«18 qyrkúiekte jedel járdem brigadasy 9, 6, 5 jastaǵy úsh balany jetkizdi. Balalardy Uljan shaǵyn aýdanynda kólik qaǵyp ketti. 5 jáne 6 jastaǵy balalardyń keýde qýysy organdary soqqysy alǵan. 9 jastaǵy bala jeńil jaraqat alǵan. Sondyqtan ol ambýlatoriialyq em alýǵa úiine jiberildi. Al 5 jáne 6 jastaǵy balalar aýrýhanaǵa jatqyzyldy», - dedi qalalyq Qoǵamdyq densaýlyqty saqtaý basqarmasynyń baspasóz qyzmetinen.
Dárigerler balalardyń jaǵdaiyn ortasha dep baǵalap otyr.
Belgili bolǵandai, anasy men balalary joldyń tyiym salynǵan jerinen ótpek bolǵan.
