Almatyda Daryn.Online bilim berý platformasy usynyldy, dep habarlaidy "Ult aqparat".
Daryn.Online platformasy 2019 jyly iske qosyldy. Ony qazaqstandyq mektep oqýshylary qashyqtan oqý úshin qoldana alady. Búgingi kúni munda 2,7 mln astam oqýshy men 200 muǵalim tirkelgen.
Onlain bilim berý platformasynyń negizin qalaýshy Asqar Maqsatuly munda 0-den 11-ke deiingi synyptarda 700 myńnan astam oqýshynyń kún saiyn bilim alatynyn aitty. Kúnine 60-tan astam arnaiy beine sabaqtar túsiriledi. Olarǵa Respýblikalyq fizika-matematika jáne Nazarbaev Ziiatkerlik mektepteriniń, sondai-aq orta mektepterdiń úzdik muǵalimderi sabaq beredi.
Oqytý sinhrondy jáne asinhrondy formatta ótedi. Sinhrondy degenimiz - muǵalim konferents-qońyraý uiymdastyryp, stýdenttermen jelide tikelei efirde sabaq ótkizedi. Al asinhrondy - oqytýshy stýdentterge daiyn onlain kýrstar, prezentatsiialar, oqýlyqtar men mýltimediialyq materialdardy oqýǵa beredi.
«Ár oqýshynyń jeke kabineti bolady. Kez-kelgen adam tegin tirkele alady. Biraq , jeke paidalanýshylar sabaq úshin aiyna 2000 teńge tóleidi. Iaǵni, kez-kelgen adam pándi satyp alyp, ózdiginen sabaq bere alady «, - deidi platformanyń negizin qalaýshy.
Onyń aitýynsha, olarmen kelisim shartqa otyrǵan mektepterdiń oqýshylary mektep pánderin tegin paidalana alady. Búginde olardyń sany Qazaqstan boiynsha 1491.
«Biz kelisim shartqa otyrǵan mekteptermen tamyz aiynyń basynan bastap jumys istei bastadyq. Olar 1 qyrkúiekke deiin daiyn bolý úshin ony qalai qoldanýǵa bolatynyn túsindirip, kórsetik. Daryn.Online maqsaty - el jastaryna áleýmettik mártebesine qaramastan sapaly bilim berý. Oflain sabaqtarǵa arnalǵan mobildi qosymsha da bar», – dep qortyndylady sózin Asqar Maqsatuly.
