Ortalyq qalalyq klinikalyq aýrýhananyń neirohirýrgtary basyna oq tigen adamǵa kúrdeli operatsiia jasady. Naýqastyń jaǵdaiy aýyr, dep habarlaidy QazAqparat.
«Naýqas ortalyq qalalyq klinikalyq aýrýhanaǵa bas miynyń ashyq jaraqatymen tústi. Dárigerler oǵan shuǵyl túrde operatsiia jasady. Qazir naýqastyń jaǵdaiy aýyr turaqty dep baǵalanyp otyr», - dep jaýap berdi Almaty qalalyq Qoǵamdyq densaýlyq saqtaý basqarmasynan.
Buǵan deiin Almatyda 39 jastaǵy er adam eki tanysyna travmatikalyq tapanshadan oq atqany týraly jazǵan edik. Atalǵan fakt QR Qylmystyq kodeksiniń 293-baby 3-bóligi boiynsha sotqa deiingi tergep-tekserýdiń biryńǵai tizilimine tirkeldi.
1983 jyly týǵan Ý. esimdi kúdikti ustalyp, qamaýǵa alyndy. Belgili bolǵanyndai, Medeý aýdanyna qarasty shaǵyn aýdandardyń birinde turatyn úsh er adamnyń arasynda janjal týyndaǵan. 39 jastaǵy turǵyn travmatikalyq tapanshadan 1973 jyly týǵan B. jáne 1973 jyly týǵan G. esimde eki adamǵa oq atty.
