Almatyda «Mersedes» kóligindegi mas júrgizýshi gaz qubyryn soǵyp, saldarynan bir úi órtke orandy, dep habarlaidy Almaty PD baspasóz qyzmeti.
Oqiǵa keshe túnde Bostandyq aýdanynyń aýmaǵynda oryn aldy. «Mersedes» kóligindegi mas júrgizýshi gaz qubyryn soqqan. Tabiǵi gazdyń aǵýy saldarynan, turǵyn úi órtendi. Ottyń ortasynda qalǵan 11 jasar qyzdy jáne eki er adamdy politsiia qyzmetkerleri qutqardy.
«Jolda aldymyzdan bir áiel júgirip shyǵyp, búkil otbasy úidiń ishinde qalǵanyn aitty, ol qatty qorqyp ketken. Ózi órtenip jatqan úige kirýge umtyldy. Meniń áriptesim, politsiia serjanty Almaz Ásetpen birge úi ielerin tabý úshin qyzyl jalynyń ishinen izdeý týraly sheshim qabyldandy. Baqytymyzǵa orai, jalyn negizgi qurylymǵa jete almady, biraq órt osy úidiń aýlasyndaǵy basqa ǵimarattardy tolyǵymen sharpyǵan.11 jastaǵy qyzdy jáne taǵy eki er adamdy qutqaryp úlgerdik. Olardyń ómirine qaýip tónip turǵan joq. Órt sóndirý brigadasy otty tolyqtai sóndirdi», - deidi patrýldik politsiia inspektory Baýyrjan Jeksembiev.
Óz kezeginde, politseiler balasynyń amandyǵy úshin otqa túsýge ázir bolǵan áieldiń erligin aitty.
«Analyq mahabbat – bul uly sezim. Áiel qaýip-qaterge qaramastan, balasyn qutqarýǵa daiyn boldy jáne bizge kóp kómektesti», - dedi aǵa serjant Jeksembiev.
