Almatyda 22 jastaǵy júrgizýshi kóligin basqara almai, baǵdarsham baǵanasyn soqqan. Ol oqiǵa ornynda kóz jumdy, dep habarlaidy "Ult aqparat".
Qalalyq politsiia departamentiniń dereginshe, jol-kólik oqiǵasy shilde kúni saǵat shamamen 07:44-ke Saiyn men Shaliapin kósheleriniń qiylysynda bolǵan.
«1999 jylǵy A. esimdi júrgizýshi «Toyota Corolla» markaly avtokóligin basqarý kezinde Saiyn kóshesinen soltústikke qarai, Shaliapin kóshesimen qiylysar tusta kóligin basqara almai, 9-shy shaǵynaýdannyń 24-shi úiiniń mańynda kedergige (baǵdarsham baǵany, red.) soǵylǵan. Jol-kólik oqiǵasy saldarynan alǵan jaraqatynan júrgizýshi oqiǵa orynda kóz jumdy. Atalmysh fakti QR QK-niń 3-bólimi 345-baby boiynsha Almaty PD SDTBT-ǵa tirkeldi. Tiisti saraptamalar taǵaiyndalyp, sotaldy tergeý jalǵasýda», - dep aqparattandyrdy Almaty qalasynyń PD Anyqtaý basqarmasynyń bastyǵy politsiia podpolkovnigi Oljas Sháripov.
