Jelide Almatyda avtobýs pen trolleibýs soqtyǵysqan video jariialandy. Qalalyq Politsiia departamenti jaǵdaiǵa qatysty pikir bildirdi, - dep habarlaidy Tengrinews.kz.
Oqiǵa ornynan túsirilgen kadrlar Instagram jelisinde jariialandy. Videoda birneshe jedel járdem kóligi kórinedi.
Vedomstvo málimetinshe, oqiǵa Abylai han men Tóle bi kósheleri qiylysynda bolǵan.
"6 qazanda saǵat 12.36-da Tóle bi kóshesimen shyǵys baǵytta kele jatqan Yuotung markaly avtobýs júrgizýshisi, Abylai han dańǵyly qiylysyndaǵy baǵdarshamnyń qyzyl túsine ótip ketip, Abylai han dańǵylymen ońtústik baǵytta kele jatqan Yuong Man trolleibýsymen soqtyǵysqan", - dedi Almaty qalasy IID Anyqtaý departamentiniń bastyǵy, politsiia podpolkovnigi Oljas Sháripov.
Jol apatynan zardap shekkender týraly da málimet belgili boldy.
"Jol apaty saldarynan YUONG MAN trolleibýsynyń 1962, 1974 jyly týǵan jolaýshylary, YUOTONG avtobýsyndaǵy 1997, 1977 jyly týǵan jolaýshylary, trolleibýstyń 1966 jyly týǵan júrgizýshisi jáne avtobýstyń 1986 jyly týǵan júrgizýshisi dene jaraqattarymen emdeý mekemelerine jetkizildi", - dedi Sháripov.
