Almaty qalasy Alataý aýdany ákimdiginiń kúzetshisi «Habar 24» telearnasynyń jýrnalisin kúshtep kóterip, ákimdik ǵimaratynan shyǵaryp jiberdi. Bul jaitqa bailanysty ákimdik ókilderi túsinik berdi. Sondai-aq tilshiniń ózi de áleýmettik jelilerde jazba qaldyryp, video jáne sýrettermen bólisti, dep habarlaidy QazAqparat.
Kadrlardan kúzetshi jýrnalist qyzdy liftke jibermei turǵanyn kórýge bolady. Jýrnalist áli de ishke kirýge tyrysqanda, er adam ustap alyp, kóterip, syrtqa shyǵarady. Telearna qyzmetkeriniń aiǵaiy men qarsylyǵyna nazar aýdarmai, kúzetshi ony kóshege iterip, esikti jaýyp alady.
Keiinirek jýrnalist denesi kógerip, jaraqat alǵanyn aityp, Instagram jelisinde sýret jariialaǵan. Ol politsiiaǵa aryz túsirgenin málimdedi.
Keiinirek jýrnalist denesi kógerip, jaraqat alǵanyn aityp, Instagram jelisinde sýret jariialaǵan. Ol politsiiaǵa aryz túsirgenin málimdedi.
«Sen – ákimdik pen halyq arasyndaǵy kópirsiń» dedińizder. Men jelpildep, jetip bardym. Ákimdik bolsa, sizderdiń «kópirlerińizdi» dalaǵa laqtyryp jiberdi. Bitti. Almaty qalasy Alataý aýdanyndaǵy ákimdikten máńgi estelik», – dep jazdy Aqbópe Táńirbergen Instagram-daǵy paraqshasynda.
Almaty qalasy Alataý aýdany ákimdigi jaǵdaiǵa qatysty túsinik berdi.
«Habar 24» telearnasynyń jýrnalisi A.Táńirbergenmen bolǵan oqiǵaǵa bailanysty Alataý aýdanynyń ákimdigi kelesini habarlaidy. Qoldanystaǵy karantin shekteýlerine bailanysty Alataý aýdany ákimdiginiń ǵimaratyna kirý shektelgen jáne Ashyq qosymshasy boiynsha júzege asyrylady. Jýrnalist A.Táńirbergen operatormen birge ǵimaratqa qosymshadaǵy óz mártebesin skanerlemei, týrnikettiń astymen ótken, bul týraly tiisti beinejazba bar», - dep atap ótti ákimdiktegiler.
Ákimdiktegilerdiń sózinshe, BAQ ókilderi kúzet qyzmeti qyzmetkerleriniń eskertýine jaýap bermei, janjaldy shyǵarǵan. Alaida kúzetshi de jazalanýy múmkin.
«Alataý aýdanynyń ákimdigi kúzet qyzmeti qyzmetkeriniń áreketin qolaisyz ekenin resmi túrde málimdeidi. Bul áreketteri úshin qyzmettik tergeý jumystary júrgizilip jatyr. Nátijesi boiynsha olardy jaýapqa tartý máselesi qarastyrylady. Sonymen qatar, ákimdik BAQ ókilderimen konstrýktivti negizde jumys isteý úshin ashyq jáne óz quzyreti sheńberinde qyzyǵýshylyq tanytqan aqparatqa qol jetkizýge daiyn ekenin atap ótedi. Aýdan ákimi jýrnalisterge suhbat berýge daiyn», - dep habarlady Almaty qalasy Alataý aýdanynyń ákimdigi.
Al "Habar 24" bas direktory Alena Gorbacheva telearna atynan aryz jazylatynyn málimdep, fb-da jazba jariialady.
"Arna jýrnalist Aqbópe Táńirbergenniń zańdy kásibi qyzmetine kedergi keltirý faktisi boiynsha politsiiaǵa aryz daiyndaidy", - dep jazdy Gorbacheva.
Keiinirek aqparat jáne qoǵamdyq damý ministri Aida Balaeva da oqiǵaǵa qatysty pikir bildirdi.
"Ózderińizge málim, Almaty qalasy, Alataý aýdany ákimdigi qyzmetkeriniń jýrnalist Aqbópe Táńirbergenge kúsh qoldanǵan teris áreketi internet jelisinde qyzý talqylanyp jatyr. Aýdandyq ákimdiktiń jaýapty tulǵalarynyń buǵan qatysty esh shara qoldanbaýy máseleni tipti de ýshyqtyryp otyr. Bul árine óte ókinishti jáne bizdiń búgingi "estitin memleket", "ashyq ákimdik" qaǵidalaryna qaishy keletin jaǵdai. Jýrnalisterdiń quqyǵyn buzýǵa, olardyń resmi jumysyna kedergi keltirip, kúsh kórsetýge eshqashan jol berilmeýi kerek. Olar ózderin qai jerde de erkin sezinýi tiis. BAQ ókilderi elimizdiń tiisti zańnamalary men normativti-quqyqtyq aktilerine sáikes qajetti tolyqqandy aqparat alýǵa qai kezde de quqyly. Bul jaǵdaiǵa qatysty, Almaty qalasy ákimdiginiń basshylyǵy qyzmettik tekserý júrgizip, tiisti sharalar qabyldaýy qajet dep sanaimyn. Kináli tulǵalar jaýapqa tartylýy tiis. Aldaǵy ýaqytta qai jerde bolmasyn, BAQ ókilderine qatysty bundai keleńsiz jaǵdailarǵa jol berilmeýi qajet", - deidi Balaeva.
