Almatyda Ábish Kekilbaevtiń qurmetine kóshe ataýy berildi, dep habarlaidy "Ult aqparat".
Almatydaǵy Kablýkova kóshesi endi Ábish Kekilbaev dep atalatyn boldy.
Kósheniń ashylý rásimine Almaty ákimi Baqytjan Saǵyntaev qatysty.
«Búgingi sharanyń Almaty qalasynda ótýiniń mańyzy zor. Uly jazýshy bozbala shaǵynda osynda kelip, ómiriniń eń baqytty da maǵynaly shaqtaryn Almaty qalasynda ótkizdi. Jazýshylyq ónerdiń, sýretkerlik sheberliktiń shyńyna shyqty. Memlekettik qyzmet pen saiasat sahnasynda jasyndai jarqyldap, sóz bastar sheshenge, oi tastar kósemge ainaldy. «Jaqsy bolýdyń jaqsylyq jasaýdan basqa joly joq» deitin Ábish Kekilbaievtiń sózinde de, shyǵarmashylyǵynda da jasandylyq bolǵan joq. Ábishtiń shyǵarmalaryn oqi otyryp, qazaq degen halyqtyń ulttyq minezin, mádenietiniń san qyrly qatparyn jazbai tanýǵa bolady. Ol týyndylar ult tarihynyń jylnamasyndai, ózimiz ómir súrip jatqan qoǵam men zamannyń tynysyndai boldy», - dedi Baqytjan Saǵyntaev.
Sondai-aq, Ábish Kekilbaevtyń 80 jyldyǵyna orai, N.Nazarbaev dańǵyly, 118-de eskertkish taqta ashylady. Abai atyndaǵy Qazaq memlekettik akademiialyq opera jáne balet teatrynda merekelik kesh ótedi.
Bul sharalarǵa jazýshynyń jaqyn týystary, dostary, zamandastary, memlekettik qyzmetkerler, mádeniet qairatkerleri qatysady dep kútilýde
