Almatyda qyrkúiek aiynda mektep oqýshylary arasynda koronavirýstyń 7 jaǵdaiy tirkeldi.
Bul týraly Almaty qalasynyń bas sanitariia dárigeri Jandarbek Bekshinniń málimdemesinde aityldy, habarlaidy "Ult aqparat".
«Olardyń barlyǵy qashyqtan oqytý kezinde aýrýǵa shaldyqqan. Balalar bir-birimen tikelei qatynasta bolǵandyǵy anyqtaldy. Epidemiologiialyq tergeý nátijesinde 4 oqýshynyń infektsiiany aýrý týystarynan juqtyrǵany anyqtaldy. 2 oqýshy meditsinalyq mekemelerge JRVI belgilerimen barǵan kezde anyqtaldy. 1 oqýshy - bronh demikpesinen sanatorii-kýrorttyq emdelý aldynda profilaktikalyq tekserýden óter kezde tabyldy», - delingen málimdemede.
Al, mektepke deiingi balalar arasynda koronavirýs aýrýy bolǵan joq.
Mektep oqýshylary men Almaty qalasy turǵyndary arasynda koronavirýstyń taralýyn boldyrmaý úshin mektep oqýshylary úshin qashyqtyqtan oqytý formaty engizildi. Sonymen qatar ata-analary qadaǵalaýǵa múmkindigi joq balalar úshin 178 mektepte 11942 oqýshyǵa arnalǵan 917 kezekshi synyp ashyldy. Munda barlyq profilaktikalyq is-sharalardy saqtai otyryp bilim alýǵa jaǵdai jasaldy (9,8% bastaýysh synyp oqýshylary).
Sondai-aq, oqýshylar sany az 10 mektep pen 8 mektep-internat qalypty rejimde jumys istep jatyr. Oqý bastalǵanǵa deiin arnaiy mobildik toptar bilim berý obektilerine daiyndyq aktileri berildi. Tekserýler kezinde anyqtalǵan karantindik rejimniń buzylýymen bailanysty kemshilikter, sabaq bastalǵanǵa deiin joiyldy.
