Uiymdasqan qylmystyq toptyń qatysýshylary men uiymdastyrýshylary kúmándi dárilik preparattardyń 60 000-nan astam qaptamasyn daiyndaǵany úshin sottaldy, dep habarlaidy QazAqparat.

QR Qarjy monitoringi agenttiginiń Almaty qalasy boiynsha ekonomikalyq tergeý departamenti jalǵan dárilik preparattardy daiyndaý boiynsha iri astyrtyn tsehti uiymdastyrǵan uiymdasqan qylmystyq toptyń 3 múshesine qatysty sotqa deiingi tergeýdi aiaqtady. 

Jedel sharalar nátijesinde barlyǵy 60 000 astam qaptalǵan «Rototsef», «Solkaseril», «Kaltsii D3 nikomed», «Tserakson» jáne basqa saýda ataýlarymen shyqqan kúmándi dárilik preparattar tárkilengen bolatyn. 

Covid-19 pandemiiasy kezeńinde bolǵan jedel-izdestirý sharalary barysynda Almaty qalasy boiynsha departament qyzmetkerleri dárilik preparattarǵa arnalǵan qorapshalardy daiyndaityn baspahana jáne zańsyz ónimderdi saqtaýǵa arnalǵan qoima, sondai-aq odan ári tekserý kezinde Almaty oblysynyń Irgeli kentinde astyrtyn tsehtiń qyzmeti anyqtaldy.

Sarapshynyń qorytyndysyna sáikes, tárkilengen dárilik preparattardyń jalpy quny 250 mln teńgeden asady.

Sot úkimimen úsh aiyptalýshy QR QK 262-baby 1-bóligi, 323-baby 3-bóligi boiynsha kináli dep tanyldy. 

Olarǵa 5,6 jyldan 7,6 jylǵa deiingi merzimge bas bostandyǵynan aiyrý jazasy taǵaiyndaldy.