Almaty qalalyq politsiia departamenti jol-kólik oqiǵalaryn azaitý boiynsha qabyldanǵan sharalar týraly aitty, dep habarlaidy QazAqparat. Almaty qalasy PD ákimshilik politsiiasynyń málimetinshe, ústimizdegi jyldyń 9 aiynyń qorytyndysy boiynsha qabyldanǵan sharalardyń nátijesinde jol – kólik oqiǵalary men jaraqat alý faktileri azaiǵan.
«Megapoliste jol-kólik oqiǵalaryn aldyn-alý jáne azaitý maqsatynda «Jol qaýipsizdigi» avtomattandyrylǵan aqparattyq júie iske qosyldy. Sondai-aq, 108 beket jumys isteidi. Jyl sońyna deiin 400 «Sergek» ornatylady. Osylaisha, qalanyń barlyq qiylystary beinebaqylaý júielerimen jabdyqtalatyn bolady, bul jazataiym oqiǵalardyń sanyn 30%-ǵa azaitýǵa múmkindik beredi. Qalada 1 800 jol qiylysy bar», - dep habarlady politsiiadan.
Sonymen qatar, qalanyń qaýipti ýchaskelerinde jazataiym oqiǵalardyń aldyn alý jáne boldyrmaý maqsatynda politsiia kólikteri men joldan ótip bara jatqan balalardyń maketi qoiylǵan. Budan bólek, qala ákimdigimen birge qarańǵy kósheler men qiylystardy jaryqtandyrý boiynsha sharalar qabyldandy.
Eske salsaq, megopolistiń áleýmettik-ekonomikalyq damýyna arnalǵan keńeste Memleket basshysy Qasym-Jomart Toqaev Almaty qalasynda jii bolatyn jol-kólik oqiǵalaryna nazar aýdaryp, mas júrgiziýshilerdi qatań jazalaýdy tapsyrdy.
