Almatyda bir jyl ishinde 35 myńǵa jýyq adam jumyspen qamtyldy. Bul týraly onlain brifing barysynda Almaty qalasynyń jumyspen qamtý ortalyǵynyń direktory Diliara Imanqulova aitty, dep habarlaidy «Ult aqparat».
Onyń aitýynsha, megapoliste nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy iske asyryldy.
«Bul baǵdarlama úsh baǵyt boiynsha júzege asyryldy. Atap aitar bolsam. Eńbek naryǵynda talap etiletin mamandyqtar boiynsha qysqa merzimdi kásiptik oqytý. Oǵan 2020 jyly 1 005 adam jiberildi. Jappai kásipkerlikti damytý,kreditter men granttar berý boiynsha ótken jyly 1 705 memlekettik grant jáne 154 mikrokredit berildi»,- deidi Diliara Imanqulova.
«Eńbek» baǵdarlamasynyń úshinshi baǵyty mynadai mindetterdi iske asyrýdy kózdeidi:
1) jumyspen qamtýǵa járdemdesý;
2) eńbek resýrstarynyń utqyrlyǵyn arttyrý;
3) jumysqa ornalastyrý boiynsha biryńǵai tsifrlyq alańdy damytý.
«Baǵdarlamalar halyqty jumyspen qamtýdyń belsendi túrlerimen qamtýdy keńeitýge múmkindik beredi. Jalpy, Almaty qalasynyń jumyspen qamtý ortalyǵymen 2020 jyly 34 855 adam jumysqa ornalastyryldy, onyń ishinde «Jumyspen qamtýdyń jol kartasy 2020» baǵdarlamasy aiasynda 10 958 adam jumysqa ornalastyryldy», - dedi ol.
