30 mamyrdan bastap Almaty qalasyndaǵy dini qulshylyq oryndary óz jumysyn bastaidy, – dep habarlaidy "Ult aqparat".
Almaty qalasy bas memlekettik sanitarlyq dárigeriniń 2020 jylǵy 28 mamyrdaǵy №32 qaýlysyna sáikes, erteńnen bastap sanitarlyq-dezinfektsiialaý rejiminiń talaptaryn qatań saqtaǵan jaǵdaida qaladaǵy dini mekemeler óz jumysyn bastai alady.
Karantin ýaqytynda dini oryndardyń jumys jasaýlaryna qoiylatyn basty talap: ujymdyq is-sharalardyń ótkizilýine shekteý qoiylýy. Atap aitsaq, juma namazdary, senbi jáne jeksenbi kúni ótkiziletin ǵibadattar, adamdarmen toptalyp dini óleńder aitý sekildi jáne basqa da ujymdyq sipatqa ie qulshylyqtardy ótkizýge ruqsat etilmeidi.
Atalǵan shekteýlerdiń basty maqsaty koronavirýs infektsiiasynyń taralýynyń aldyn alý. Sonymen qatar, qulshylyq kezinde dini qyzmetshiler meditsinalyq maska men qolǵap kiiýge jáne de áleýmettik qashyqtyqty saqtaýǵa mindetti.
Al, maska kimegen jáne respiratorlyq aýrýlardyń kez kelgen belgileri bar (temperatýranyń kóterilýi, jótel, tamaqtyń aýrýy, tynys alýdyń qiyndaýy) adamdar dini oryndarǵa kirgizilmeidi.
Óz kezeginde, dini sharalarǵa qatysýlaryna ruqsat etilgen adamdarǵa ǵimarat ishinde 15-20 minýttan artyq bógelýlerine ruqsat etilmeidi.
