Almatynyń Býtakovka shatqalynda 2280 eýropalyq shyrsha kesiledi, dep habarlaidy "Ult aqparat".
Ile-Alataý ulttyq parkiniń málimeti boiynsha, qyrkúiek aiynda Medeý filialynyń Kamenka orman sharýashylyǵynyń 7,6 ga alańynda 526,6 tekshe metr aǵashtardy sanitarlyq talapqa sai kesý jumystary júrgiziledi.
«Aǵashtardy kesý QR AShM orman sharýashylyǵy jáne janýarlar dúniesi komitetiniń ruqsatymen, Orman kodeksiniń 93-baby boiynsha júzege asyrylady. Osy máselege qatysty qoǵamdyq tyńdaýlar ótkizildi», - dep habarlady vedomstvodan.
Sanitarlyq aǵash kesý arqyly, basqa aǵashtardyń turaqtylyǵy artady. Olardyń ónimdiligin jaqsarady. Sondai-aq, bul jumystar ziiankesterdiń sanyn azaityp, aýrýlardyń juqpalylyǵyn tómendetý úshin júrgiziledi.
2014 jyly júrgizilgen ormandy tekserý materialdaryna sáikes, bul ýchaskedegi aǵashtar «óli» dep sanalady.
«Tiisti organdardan ruqsattar alyndy. Biz qala turǵyndarynan júrgizilip jatqan jumystarǵa túsinistikpen qaraýlaryn suraimyz. Aǵash kesý josparǵa sáikes jeltoqsanyń sońyna deiin aiaqtalady», - delingen parktiń habarlamasynda.
