Almatyda sý tasqyny maýsymyna daiyndyq týraly onlain-brifing barysynda Almaty qalasy Tótenshe jaǵdailar departamenti basshysynyń orynbasary, polkovnik Erlan Álibekov aityp berdi, dep habarlaidy "Ult aqparat".
Onyń aitýynsha, qalada 19 ýchaskede sý tasqyny qaýpi joǵary.
«Sý tasqyny jaǵdaiy baqylaýda, qajetti kúshter men quraldar daiyn tur. 2020 jyly Tótenshe jaǵdailar departamenti jii sý basatyn 20 ýchaskeni esepke alǵan bolatyn. Onyń ishindegi bir ýchaskede (Alataý aýdany, Saialy shaǵyn aýdany, №4, №92) ákimdik rezerviniń qarajatyna aryq jelisi salynyp, qaýip tolyǵymen joiyldy.
Qalǵan ýchaskeler (Alataý-6, Medeý-2, Túrksib-7, Naýryzbai–1, Jetisý-3) Almaty qalasynyń Jasyl ekonomika basqarmasymen «Almaty qalasy boiynsha 376 shaqyrym aryq jelisin salý boiynsha jobalyq-smetalyq qujattamany (JSQ) ázirleý» jobasyna engizildi. Búginde jobalyq-smetalyq qujattamany ázirleý aiaqtalyp qaldy.
Naýryz aiynda memlekettik saraptamaǵa jiberiletin bolady. Bul jobany iske asyrý 2021-2023 jyldarǵa josparlanǵan», - dedi Erlan Álibekov.
Mamannyń aitýynsha, taýly aimaqta qazirgi ýaqytta qardyń biiktigi 19-58 sm jetti (Úlken Almaty kóli). 2020 jyldyń 1 qazanynan 2021 jyldyń 20 aqpanyna deiin 98 mm jaýyn shashyn jaýǵan (norma 237 mm), ylǵal qory 42 mm (norma 85 mm), al qaladaǵy topyraqtyń qatý tereńdigi 41 sm bolǵan, byltyrǵy kórsetkishpen salystyrǵanda 11 sm tómen (2020jylv 52 sm bolǵan). Qala ózenderindegi gidrologiialyq jaǵdai turaqty. Jalpy, qar tómengi taýly aimaqta naýryz aiyna deiin, ortasha taýly aimaqta sáýir-mamyr ailaryna deiin, al joǵarǵy taýly aimaqta maýsym aiyna deiin jaýatyn bolady.
Naýryz aiyna berilgen aýa raiynyń boljamyna sáikes osy aidaǵy ortasha aýa temperatýrasy +4,4oS bolady, bul normadan 1oS joǵary (norma: +3,4oS). Jaýyn-shashynnyń mólsheri qalypty bolady dep kútilýde (norma 76 mm).
Byltyr qalada 30 shaqyrym aryq jelisi salynǵan bolatyn.
Budan bólek, «2021-2023 jyldarǵa arnalǵan sý tasqynyna qarsy sharalar kesheni» Jol kartasy boiynsha úsh jerde jumystar júrgizilýde.
Birinshiden, Kishi Almaty ózeni arnasynyń jekelegen ýchaskelerin qaita jańǵyrtý boiynsha (sý bólgishten Maqataev kóshesine deiin, jalpy uzyndyǵy 8,9 shaqyrym) qazirgi ýaqytta 60 paiyz jumys oryndaldy.
Ekinshiden, Tiksai jáne Jarbulaq ózenderi arnasynyń jekelegen ýchaskelerin qaita jańǵyrtý (jalpy uzyndyǵy 7,15 shaqyrym) júrgizilip jatyr.
Úshinshiden, Esentai ózeniniń arnasyn qaita jańartý (sý bólgishten Jamaqaev kóshesine deiin, jalpy uzyndyǵy 4,2 shaqyrym) qolǵa alyndy.
Bul baǵytta jumystar 2021 jyldyń tórtinshi toqsanynda aiaqtalady.
Jalpy sońǵy bes jylda qalada 497 shaqyrym aryq jelisi salynyp, 40 shaqyrymnan astam ózen arnasy nyǵaityldy.
Bul sharalar sý basýy múmkin ýchaskelerdiń sanyn 3,5 esege azaitýǵa múmkindik berdi.
Biylǵy jylǵy sý tasqyny kezeńine daiyndyq maqsatynda 5 aqpanda Almaty qalasy ákimdiginiń janyndaǵy Tótenshe jaǵdailar komissiiasynyń otyrysy ótti. Onda qalanyń barlyq organdaryna tiisti sharalardy atqarýǵa tapsyrmalar berildi.
Byltyr kúzde sý tasqynyna daiyndyq barysynda 400 shaqyrym aryq jelisi men 10 shaqyrym ózen arnalary qoqystardan tazartyldy.
Biyl qys bastalǵaly beri 987 shaqyrym aryq jelisi men 30 shaqyrym ózen arnalary tazartyldy. Kósheler men aýlalardan 110 myń tekshemetr qar shyǵaryldy.
Almaty aýmaǵyndaǵy tabiǵi jáne tehnogendik sipattaǵy tótenshe jaǵdailardy joiý jónindegi is-qimyl jospary jańartyldy.
Almaty qalasynyń azamattyq qorǵaý qyzmeti daiyndyqqa keltirilip, jalpy sany 5126 adam, 746 tehnika, 7 júzý quraly, sondai-aq 73 motopompa men 99 avtonomdy elektr stantsiiasy qarastyrylǵan
Azamattyq qorǵaý qyzmetterinde 10 myń dana qap, 508 tonna inertti material, 42 tonna dizel otyny men 31 tonna benzin daiyndaldy.
Respýblikamyzdyń basqa óńirlerinde sý tasqyny jaǵdaiy ýshyqqan jaǵdaida, Almaty qalasynan jalpy sany 55 adam, 9 birlik tehnika, 4 júzý quraly men 10 motopompa qarastyrylǵan kúsh pen quraldar jasaldy.
