Almatynyń Bostandyq aýdanynda 16 qabatty turǵyn úidiń parkinginde órt shyǵyp, 100-ge jýyq adam evakýatsiialandy, dep habarlaidy ult.kz.
Tótenshe jaǵdailar ministrliginiń baspasóz qyzmetiniń málimetinshe, Abai dańǵyly boiyndaǵy turǵyn úi kesheniniń parkinginde kúshtik kabel tutanǵan. Órttiń jalpy aýmaǵy 5 sharshy metrdi qurady.
Oqiǵa týraly habarlama túskennen keiin bes minýt ishinde alǵashqy órt sóndirý bólimsheleri jetken. Qutqarýshylar baspaldaq arqyly 100-ge jýyq turǵyndy, onyń ishinde 19 balany qaýipsiz jerge shyǵardy.
Órt qysqa ýaqytta tolyq sóndirildi. Oqiǵadan zardap shekkender joq.
