Foto: Ashyq derekkóz
Almaty ákimi Erbolat Dosaevtyń tóraǵalyǵymen qalada jylytý maýsymynyń aiaqtalýy, sondai-aq aldaǵy 2024-2025 jyldardaǵy jylytý maýsymyna daiyndyqty bastaý máselesine arnalǵan jumys keńesi ótti, dep habarlaidy «Ult aqparat» ákimdiktiń baspasóz qyzmetine silteme jasap.
Osy ýaqyttaǵy jaǵdai týraly Energetika jáne sýmen jabdyqtaý basqarmasynyń, "Almaty jylý jelileri", "Almatyteplokommýnenergo", "Almaty elektr stantsiialary", "Alataý Jaryq Kompaniiasy", "Almaty Sý", Almaty filialy "QazTransGaz Aimaqtyń" Almaty filialy basshylarynyń baiandamalary tyńdaldy.
Energetika jáne sýmen jabdyqtaý basqarmasynyń basshysy Talǵat Malybaevtyń aqparaty boiynsha Almaty qalasynda belgilengen syrtqy aýanyń ortasha táýliktik temperatýrasynyń +8⁰ jáne odan joǵary bolýyna bailanysty jylytý maýsymyn daiyndaý jáne ótkizý qaǵidalaryna sáikes, gidrometeorologiialyq qyzmet kúntizbelik bes kún ishinde tirkegen, sondyqtan 2023-2024 jyldyń jylytý maýsymyn aiaqtaý týraly sheshim qabyldandy.
"Jylýdy óshirý 15 sáýirden bastalady ári kelesi tártippen kezeń-kezeńimen óshiriledi: aldymen ákimshilik ǵimarattar, oqý oryndary, mádeniet nysandary jáne basqalar, keiin turǵyn úiler (turǵyn úiler, jataqhanalar, qonaq úiler) jáne áleýmettik nysandar (balalar, emdeý, mektep mekemeleri, kásiptik mektepter, meditsinalyq-áleýmettik mekemeler)", - dep habarlady ákimdiktiń baspasóz qyzmeti.
Keńeste infraqurylymnyń tozýyn azaitý jónindegi investitsiialyq baǵdarlamanyń mańyzdylyǵy atap ótildi. 2023 jyly jylý jelileriniń tozýy josparlanǵan 0,6% ornyna 1,3% - ǵa qysqardy.
"Máselen, biylǵy jyldyń basynda 25 jyldan astam ýaqyt boiy paidalanylyp kele jatqan tozǵan jelilerdiń uzyndyǵy jelilerdiń barlyq uzyndyǵynyń 802,6 km nemese 57,9% quraidy. Biylǵy jyly 20 shaqyrym jylý jelileri qaita jańartylady, bul tozýdy 1,8% - ǵa tómendetýge múmkindik beredi", - delinedi ákimdiktiń habarlamasynda.
Aita keteiik, Almatyda barlyǵy 214 mektep, 190 balabaqsha, 128 aýrýhana jáne 8836 kóppáterli turǵyn úi ortalyq jylytýǵa qosylǵan.
