Foto: Tengrinews.kz
Almatyda dárigerler shuǵyl ota kezinde 11 jastaǵy qyzdyń asqazanynan bir keli shash aldy, - dep habarlaidy Tengrinews.kz.
Boijetken shuǵyl túrde aýrýhanaǵa jetkizilgen.
"Balany bir apta boiy ish aýrýy, qusý, tábetiniń bolmaýy, jalpy álsizdik mazalaǵan. Aýrýhanaǵa jatqyzar aldynda qyz asqazan-ishek joldarynyń buzylýyna bailanysty ambýlatorlyq em aldy", - deidi Balalarǵa shuǵyl meditsinalyq kómek kórsetý ortalyǵynyń irińdi jáne keýde hirýrgiiasy bóliminiń meńgerýshisi Samatbek Myrzahmet.
Ýltradybystyq zertteý kómegimen dárigerler asqazan kóp mólsherde eho-teris túzilimge tolyp qalǵanyn bilgen. Asqazanda kóptegen geterogen bólshekter, shash órimi jáne shyryshtan turatyn las qara tústi bógde dene anyqtalǵan.
"Asqazan qýysynda úlken kólemdegi tyǵyz túzilis tabyldy jáne joiyldy: salmaǵy 1 keli bógde dene (trihobezoar)", - dedi Balalarǵa shuǵyl meditsinalyq kómek kórsetý ortalyǵynyń balalar hirýrgi Sáýle Súleimanova.
Dárigerler shashtyń bulai jinalýy basynan, qasynan jáne kirpikterinen shashty julyp, jutýǵa patologiialyq beiimdiligi bar qyzdarda kezdesetinin atap ótti - triotillomaniia. Bul aýrý kóbinese obsessiv nevrozy bar balalarǵa, deviantty minez-qulqy bar balalarǵa áser etedi.
