Almatyda 11 jastaǵy baladan koronavirýs anyqtaldy, dep habarlaidy QazAqparat.
«Qazirgi ýaqytta Almatyda koronavirýs infektsiiasyn juqtyrýdyń rastalǵan 73 jaǵdaiy tirkeldi, onyń jeteýi jazylǵan. Nátijesinde búgingi kúni qalalyq juqpaly aýrýlar statsionarlarynda COVID-19-dan em alyp jatqan 66 patsient bar», - dedi Almaty qalasy Qoǵamdyq densaýlyq basqarmasynyń basshysy Tileýhan Ábildaev brifing barysynda.
Onyń aitýynsha, jańadan anyqtalǵan alty adamnyń tórteýi bailanysta bolǵandar, bir patsient 19 naýryzda Minsk-Almaty reisimen jáne taǵy bireýi osy kúni Ystanbul-Almaty reisimen ushyp keldi.
«Emdeýge jatqyzylǵandardyń ishinde 11 jastaǵy bala bar, qazir ol qalalyq balalar juqpaly aýrýlar aýrýhanasynda ákesimen birge jatyr. Qazirgi kezde aýyryp jatqandardyń jaǵdaiy jaqsyrap keledi, 58 naýqasta – qanaǵattanarlyq, 1 eresek naýqasta – aýyr, 6 eresek adamda ortasha aýyrlyqta jáne 1 balada ortasha aýyrlyqta», - deidi Tileýhan Ábildaev.
Provizorlyq ortalyqtarda 1 046 adam bar, onyń ishinde 102-si – bala. Almatydaǵy provizorlyq ortalyqtar kóbeiip, altaý boldy. Buǵan deiin 4 ortalyq bolǵan edi.
Karantindik oqshaýlaý úshin 3 shipajai jáne bir jataqhana bólindi.
Búgingi kúni 419 azamat karantinge oqshaýlanǵan. Bul - shetelden kelgender. Olardyń barlyǵy qai elden kelgenine qaramastan, eki kúndik karantinge ornalastyrylýda. Kelgennen keiin olardan COVID-19-ǵa taldaý alynady. Nátije teris bolǵan jaǵdaida olar úiine jiberiledi.
