Biyl «Almaty jastary» baǵdarlamasy aiasynda 1000 páter qoldanysqa beriledi. Buǵan 18 mlrd teńge qarastyrylady, dep habarlaidy "Ult aqparat".
Buǵan deiin Baqytjan Saǵyntaev «Almaty jastary» baǵdarlamasy aiasynda nesielendirý kólemi 18 mlrd teńgege deiin artatynyn aitqan bolatyn. Óńirlik kommýnikatsiia qyzmetiniń brifinginde Almaty Turǵyn úi saiasaty basqarmasy basshysynyń orynbasary Ermek Ámirovke jýrnalister osy saýaldy qoidy.
«Úi alady. Biyl jyl basynda biz saraptama júrgizdik. Baiqaǵanymyz naryqtaǵy úi baǵasy qymbattaǵan. Osyǵan bailanysty «Almaty jastary» baǵlarlamasy aiasynda jeńildetilgen nesie 18 mln teńgege deiin artatyny týraly sheshim qabyldady. Baǵdarlamaǵa qatysýshylar baspana alý úshin 18 mln teńgeni tolyqtai alýǵa múmkindigi bar», - dedi Ermek Ámirov.
Orynbasardyń aitýynsha biyl 8000-nan astam adam baspanaly bolady. Onyń 1000-y «Almaty jastary» baǵdarlamasymen alyp jatyr.
Esterińizge sala keteiik, eń tómengi paiyzben beriletin «Almaty jastary 3.0» baǵdarlamasy 2020 jyly bastalǵan. Oǵan jasy 35-ke deiingi qala turǵyndary qatysa alady. Ótinish bere alatyn azamattar sanatyna: Almatydaǵy memlekettik qalalyq jáne respýblikalyq mekemede eńbek etetinder, dárigerler men meiirbikeler, pedagogtar men tárbieshiler, ártister, jazýshylar, mádeniet salasynyń mamandary, jattyqtyrýshylar men sportshylar, JOO oqytýshylar men ǵylymi qyzmetkerler, áleýmettik sala mamandary: jýrnalister men BAQ qyzmetkerleri (memlekettik jáne kommertsiialyq), óndiristik salada eńbek etetinder kiredi.
