Almaty turǵyny áleýmettik jelide azamattardy densaýlyq jaǵdaiyna qaramastan áskerge shaqyrýy múmkin degen jalǵan aqparat taratqany úshin ákimshilik jaýapkershilikke tartyldy, dep habarlaidy ult.kz.
2026 jylǵy 17 shildede Almaty qalasynyń turǵyny Facebook áleýmettik jelisinde belgili bir aýrýlary bar azamattar da áskeri qyzmetke shaqyrylýy múmkin ekeni týraly beinejazba jariialaǵan.
Osy aqparattyń taralýyna bailanysty quzyretti organdar birlesip tekserý júrgizdi. Nátijesinde áleýmettik jelide jariialanǵan málimetterdiń shyndyqqa sáikes kelmeitini anyqtaldy.
2026 jylǵy 15 tamyzda beinejazba avtory Qazaqstan zańnamasyna sáikes ákimshilik jaýapkershilikke tartyldy.
QR Qorǵanys ministrliginiń málimetinshe, azamattyń áskeri qyzmetke jaramdylyǵy nemese jaramsyzdyǵy meditsinalyq tekserý nátijesinde, onyń densaýlyq jaǵdaiy eskerile otyryp anyqtalady.
Osyǵan bailanysty azamattardy densaýlyq jaǵdaiyna qaramastan áskeri qyzmetke shaqyrady degen aqparat qoldanystaǵy tártipke sáikes kelmeidi.
Áskeri qyzmetke shaqyrý jáne meditsinalyq kýálandyrý tártibine qatysty aqparatty tek resmi derekkózderden alý usynyldy.
Vedomstvo azamattardy áleýmettik jelidegi aqparatty taratpas buryn onyń shynaiylyǵyn tekserýge jáne rastalmaǵan málimetterdi taratpaýǵa úndedi.
