Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifingte megapolis turǵyndarynyń 23 paiyzynda koronavirýsqa qarsy immýnitet qalaptasqanyn aitty, dep habarlaidy "Ult aqparat".
Onyń aitýynsha, Almatyda qazir 23%-dy immýndy qabat qalyptasty. Halyqtyń 18%-y vaktsina aldy, 5%-y aýyryp jazylǵandar.
«Maýsym aiy bastalǵaly Almatyda koronavirýs juqpasynyń taraýy eki ese azaidy. Sońǵy táýlikte koronavirýstyń 112 jaǵdaiy tirkeldi. Naýryz aiynda – 9,5 myń jaǵdai, sáýirde 20 myńǵa deiin jetken. Qazir aýrýshańdyq deńgeii tómendep, turaqtandy. Bul qalada koronavirýsqa qarsy júieli túrde júrgizilgen jumystyń nátijesi, onyń ishinde halyqty jappai vaktsinalaý bar», - dedi Jandarbek Bekshin.
Sonymen qatar, ol halyqtyń 100 myńyna shaqqanda aýrý deńgeiiniń tómendeý qarqyny turaqty ekenin atap ótti.
«Sońǵy 7 kúnde 64,7-den 39,8-ge deiin azaidy, reprodýktivti san 0,79 deńgeiinde turaqtandy. Bul «jasyl aimaq» parametrlerine sai», - dedi ol.
