Almatyda erlerge arnalǵan kiim dúkenin tonady degen kúdikpen úsh er adam ustaldy, dep habarlaidy QazAqparat.
Brend kiimder satatyn dúkendi tonaǵan kúdiktilerdi Almaly aýdanynyń politsiia qyzmetkerleri qolǵa túsirdi.
Qazaqstannyń ár óńirinen kelgen 39, 37 jáne 33 jastaǵy úsh turǵyn jappai tártipsizdikti paidalanyp, Gagarin kóshesinde ornalasqan kiim dúkenin tonap ketken.
«Sonymen qatar olardyń basqa da zańsyz áreketterge qatysqany anyqtaldy, olar úshin laiyqty jaza taǵaiyndalady.
Almaly aýdandyq politsiia basqarmasynyń málimetinshe, kúdiktiler jaldamaly páterde ustalǵan. Er adamdar urlanǵan kiimderdi ólshemi men maýsymyna qarai suryptap úlgergen», - delingen politsiia málimetinde.
