«Almaty-Tbilisi» reisindegi ushaqqa naizaǵai túsýi belgileri anyqtalmady, dep habarlaidy "Ult aqparat".
Budan buryn jelide «Almaty-Tbilisi» reisindegi ushaqqa naizaǵai túsýi múmkin ekeni týraly aqparat taraǵan bolatyn.
Osy jaǵdaiǵa bailanysty Air Astana áýe kompaniiasynyń baspasóz qyzmeti túsinik berdi.
«9 tamyzda «Almaty-Tbilisi» baǵdary boiynsha KC139 reisin oryndaityn bort saǵat 20:30 kezinde ushyp, naizaǵa tústi degen kúdikpen qaita oraldy. Ushaq shtattyq rejimde qondy. Zardap shekkender bolmady. Bortty aýystyrǵannan keiin, jolaýshylar saǵat 00:40-ta atalǵan baǵytta qaita ushyp shyqty. Ushaqqa qatysty inspektsiia júrgizilip, nazaǵai túsý jaǵdaiy anyqtalmady. Osy oraida áýe kemesi reisterde paidalanýǵa jiberildi», - dep naqtylady baspasóz qyzmeti.
