Almaty taýynda joǵalyp ketken kelinshek tabyldy, dep habarlaidy "Ult aqparat".
«8 shilde kúni saǵat 10: 56 minýtta Almaty qalasy Tótenshe jaǵdailar departamentine respýblikalyq jedel- qutqarý jasaǵynan Úlken Almaty kóli aýmaǵynda habarsyz ketken Áliia Qamievanyń tabylǵany týraly aqparat kelip tústi. Onyń jaǵdaiy aýyr dep baǵalanady, zardap shegýshini tasymaldaý jáne aýrýhanaǵa jetkizý qajet. Departament QR TJM «Qazaviaqutqarý» tikushaǵynyń ushýyn uiymdastyrdy», - dep habarlady vedomstvodan.
Esterińizge sala keteiik, izdestirý-qutqarý jumystaryna qutqarýshylardyń maksimaldy kúshter men quraldary jiberildi. Atap aitar bolsaq, respýblikalyq jedel-qutqarý jasaǵynyń qyzmetkerleri kinologiialyq esepter, «109» qutqarý qyzmeti, 75 volonter.
Buǵan deiin, 31 jastaǵy Áliia Qamievanyń Almaty taýlarynda joǵalyp ketkeni týraly jazǵan bolatynbyz. Ol 5 shildede úiinen shyǵyp ketip, qaityp oralmaǵan. Onyń anasy 7 shilde kúni qutqarýshylarǵa júgindi. Kýágerler almatylyq kelinshekti sońǵy ret Úlken Almaty kóliniń mańynan kórgen.
