Almatynyń Aiýsai shatqalynda ata-anasymen serýendeý kezinde joǵalyp ketken 2015 jyly týǵan bala aman-esen tabyldy, dep habarlaidy TJM.
Oqiǵa shamamen 2000 metr biiktikte bolǵan. Balany izdeýge 160-qa jýyq adam jumyldyryldy. Olardyń qatarynda qutqarýshylar, politsiia qyzmetkerleri, ormanshylar, eriktiler, áskeri qyzmetshiler jáne basqa da mamandar bar.
Izdeý jumystaryna kinologtar, drondar jáne TJM-niń «Qazaviaqutqarý» aviatsiiasy tartyldy.
Qutqarýshylar men eriktilerden quralǵan toptar Aiýsai shatqalynyń 6 shaqyrymnan astam aýmaǵyn jáne Úlken Almaty ózeniniń arnasyn tekserdi. Izdeý jumystary jerden de, áýeden de júrgizildi.
Nátijesinde balany qutqarýshylar men eriktilerden quralǵan birlesken top taýyp aldy.
