Foto: Almaty TJD
Almaty taýlarynda qar kóshkini júrdi, - dep habarlaidy «Ult aqparat» Tótenshe jaǵdailar departamentiniń baspasóz qyzmetine silteme jasap.
16 sáýirde "Qazseldenqorǵaý" dispetcherleri Medeý aýdanyndaǵy (Alpi lageri aimaǵy) qar kóshkini júretin jerlerde kólemi 4000 tekshe metr qar kóshkini bolǵanyn habarlady. Qar massasy ózen arnasynda toqtaǵan. Qurbandar men zardap shekkender joq.
"Qazgidromet" sinoptikterine Almatynyń Úlken jáne Kishi ózenderi basseinderinde jaýyn-shashynnyń kóp túsýine jáne qar jamylǵysynyń turaqsyz jaǵdaiyna bailanysty qar kóshkini júrý qaýpi saqtalyp otyrǵany týraly №17 eskertý kelip tústi", - dep habarlady Almaty qalalyq TJD.
Tótenshe jaǵdailar departamenti óńirde qar kóshkini qaýpi áli saqtalyp otyrǵanyn eske salady. Qutqarýshylar qar kóshkinin týdyrmas úshin azamattardan taýly aimaqtarǵa barýdy shekteýdi jáne qarly betkeilerge shyqpaýdy suraidy.
