Almaty oblysy Talǵar aýdanyndaǵy Severtsov muzdyǵynan adam súiekteri tabyldy. Olardy taýdan alyp túsý úshin Tótenshe jaǵdailar ministrliginiń tikushaǵy jolǵa shyqty, dep habarlaidy ult.kz.
Oqiǵa ornyna «Qazaviaqutqarý» tikushaǵymen «Barys» respýblikalyq jedel-qutqarý jasaǵynyń qutqarýshylary men Apattar meditsinasy ortalyǵynyń mamandary attandy. Mamandar teńiz deńgeiinen shamamen 4300 metr biiktikte jatqan súiekterdi qaýipsiz jerge túsirý jumystaryn júrgizedi.
Qutqarýshylardyń jumysyna taýdyń qoljetimsizdigi, kúrdeli jer bederi, tik jartastar jáne biiktegi qolaisyz aýa raiy kedergi keltirip otyr.
Súiekter tómenge jetkizilgen soń Almaty oblysynyń politsiia departamentine tapsyrylady. Quqyq qorǵaý organdary olardyń kimge tiesili ekenin jáne ólimniń mán-jaiyn anyqtaidy.
