Almaty qalasynda «Almaty sý» mekemesiniń sý burý qyzmetine tarifter tómendetildi, dep habarlaidy "Ult aqparat" Tabiǵi monopoliialardy retteý komitetine silteme jasap.
Komitettiń Almaty qalasy boiynsha departamenti «Almaty sý» MKK-nyń sý burý qyzmetterine tarif smetasynyń oryndalýy týraly esepti qaraý qorytyndysy boiynsha kásiporynǵa kólemniń tómendeýine bailanysty tarifterdi tómendetýge ótinim berý týraly hat jiberdi.
«Osyǵan bailanysty, «Almaty sý» MKK 7 shildede departamentke tarifti tómendetýge ótinim joldady. Budan ári departament buiryǵymen 21 shildede 2020 jylǵy 1 tamyzdan bastap kásiporyn úshin tarifterdi tómendetti», delingen habarlamada.
Osylaisha, 2020 jyldyń 1 tamyzynan bastap sý burý tarifteri:
I. halyq sanatyna jatatyn jeke tulǵalar úshin tarif 0,09% - ǵa, iaǵni 23,12 teńge/m3-den 23,10 teńge/m3-ge tómendetildi;
II. bekitilgen normativtik tehnikalyq ysyraptar kóleminiń sheginde jylý energiiasyn berýmen jáne bólýmen ainalysatyn kásiporyndarǵa jáne sýmen jabdyqtaý jáne (nemese) sý burý salasynda rettelip kórsetiletin qyzmetterdi kórsetetin uiymdar úshin, sondai-aq jylý energiiasyn berýmen jáne bólýmen ainalysatyn kásiporyndarǵa jáne sýmen jabdyqtaý jáne (nemese) sý burý salasynda rettelip kórsetiletin qyzmetterdi kórsetetin uiymdar úshin tarif 0,66% - ǵa, iaǵni 31,69 teńge/m3-ten 31,48 teńge/m3-ke tómendetildi;
III. biýdjet qarajaty esebinen ustalatyn uiymdar úshin jáne tutynýshylardyń birinshi jáne ekinshi tobyna kirmeitin ózge de tutynýshylar úshin tarif 1,45% - ǵa, iaǵni 64,01 teńge/m3-den 63,08 teńge/m3-ge deiin tómendetildi.
Aita keterligi, tarifter Ulttyq ekonomika ministriniń 2019 jylǵy 19 qarashadaǵy №90 buiryǵymen bekitilgen tarifterdi qalyptastyrý qaǵidalaryna sáikes kásiporynnyń 2019 jyly satylǵan qyzmetteriniń naqty kóleminiń ósýine bailanysty tómendetilgen.
