Almaty qalasynyń ákimi Baqytjan Saǵyntaev megapolis aldynda turǵan mindetter týraly aitty, dep habarlaidy QazAqparat.
Baqytjan Saǵyntaevtyń aitýynsha, Almaty elimizdegi kóshbasshy qala retinde jylyna 5% ekonomikalyq ósim berýi tiis. Ótken jyly JAÓ fizikalyq kóleminiń indeksi nebári 2,8% ósti – bul halyq ósiminiń qarqynynan (2,9%) tómen.
Mańyzdy mindet — eńbekpen qamtý qurylymynda qaishylyqtardy joiý, bilim, densaýlyq saqtaý, kásibi jáne ǵylymi-tehnikalyq is-qimyl, aqparattyq tehnologiia enetin áleýmettik ekonomika úlesin arttyrý.
«Halyq tabysynyń ósýi ómir súrý jáne kóshý shyǵyndarynan artyq bolýy tiis. Úlken qala shyǵyndardy azaitýdyń aýqymdy yqpalyn usyna alady. Munyń máni - belsendilik pen yntymaqtastyqta», - dep atap ótti B. Saǵyntaev.
Ol sonymen qatar qala ekonomikasynyń perspektivaly «ósý núktelerin» atap ótti. Olar: logistika, qurylys, qarjy jáne saqtandyrý, aqyldy indýstriia, sán indýstriiasy, óner, oiyn-saýyq, týristik indýstriia jáne jyljymaityn múlik salasyndaǵy operatsiialar.
Almaty tehnologiiada, densaýlyq saqtaýda, halyqaralyq bizneste, menedjmentte, tabiǵi ekojúielerdi basqarýda, ózge de qalaǵa qajet salalarda kásipkerler, mamandar úshin úzdik ortaaziialyq áleýmettik lift bolýy tiis.
«Iaǵni, Almatyda «almatylyq arman» («amerikalyq armanǵa» uqsas) oryndalýy tiis. Almatyda adami kapital óz isiniń bilgirleri arqyly damyp, ár óńirden daryndardy tartyp, qala turǵyndary arasynda básekege qabiletti arttyrýy qajet. Sonda ǵana investitsiia, kompetentsiialar men infraqurylym bizdiń qalamyzdy damytýdyń shynaiy vektoryna ainalady»,- dedi qala basshysy
Almatylyqtardyń ómir deńgeiiniń sapasyn arttyrý úshin keshendi máselelerdi sheshý qajet. Olar – ekologiia jáne qoǵamdyq qaýipsizdik, sapaly bilimniń qoljetimdiligi, densaýlyq saqtaý, áleýmettik servis, aýqymdy turǵyn úi qurylysy, qalanyń infraqurylym bazasyn modernizatsiialaý, abattandyrý men jasyldandyrý.
«Eń sońǵysy, Almatynyń áleýmettik-ekonomikalyq damýynda «Ortalyq – shet» jelisinde bazalyq aiyrmashylyqty joiý», - deidi B. Saǵyntaev.
Áleýmettik jaǵdaida «eki Almaty» qalyptasyp otyr. Jetilgen, jaily jáne qolaily ortalyq jáne artta qalǵan jetilmegen shet aimaq.
«Meniń pozitsiiam mynandai: megapolistiń barlyq aýdandarynda turǵylyqty jerlerine qaramastan, almatylyqtardyń ómir súrýi úshin joǵary standartty qamtamasyz etý. Men qalamyzdyń «Shetsiz qala» bolýyn jaqtaimyn. Zamanaýi qalalar ortalyqtandyrylǵan, ár aýdannyń óz tartymdylyǵy jáne ósý draiveri bolady. Iri mega-qalalarda keri protsesster júredi, iaǵni adamdar qala mańyna qonystana bastaidy. Óitkeni olarda ómir súrý deńgeii joǵary. Demek, qala infraqurylymyn damytýda aimaqtyq pen jergilikti ortalyqtardyń damýy eskerilýi tiis», - dep qortyndylady Almaty ákimi.
