Ishki ister ministrligi Qanat Taimerdenov vedomstvonyń ortalyq apparatynda qandai qyzmette ekenin aitty, - dep habarlaidy Tengrinews.kz.
Taimerdenov buǵan deiin Almaty Politsiia departamentin basqarǵan bolatyn.
"Qazaqstan Respýblikasy ishki ister ministriniń buiryǵy boiynsha politsiia general-maiory Qanat Daniiaruly Taimerdenov Qazaqstan Respýblikasy Ishki ister ministrligi Ekstremizmge qarsy kúres departamentiniń bastyǵy bolyp taǵaiyndaldy. Departament bastyǵy laýazymdyq nusqaýlyqqa sáikes fýnktsional mindetterin oryndaidy, bul qoljetimdiligi shekteýli aqparat sanalady", - dedi IIM baspasóz qyzmeti ókilderi.
Ishki ister ministrligi saityndaǵy aqparatqa sáikes, Ekstremizmge qarsy is-qimyl departamenti ministrliktiń qurylymdyq bólimshesi sanalady, ol óz quzyreti sheginde ekstremizm men terrorizmge qarsy is-qimyl salasyndaǵy fýnktsiialardy uiymdastyrady jáne júzege asyrady.
Qanat Taimerdenov Almaty politsiiasyn 2020 jyldyń qańtarynan basqardy.
Ol 1974 jyly Almaty oblysynda dúniege kelgen. Joǵary zańgerlik bilimi bar. Eńbek jolyn 1995 jyly Almaty oblysy Qaskeleń aýdany IIB TBQ 2-bóliminiń jedel ýákili bolyp bastaǵan. Ár jyldary Almaty oblysy IIB JPB erekshe mańyzdy ister jónindegi bóliminiń bastyǵy, Almaty qalasy IID JBQB bastyǵynyń orynbasary, Almaty qalasy Ishki ister departamenti Jetisý aýdany ishki ister basqarmasynyń bastyǵy, Almaty qalasy IID bastyǵynyń birinshi orynbasary boldy.
