Almaty qalasynyń politsiiasy iri deneli er adamnyń kassir áielge qol jumsap, oǵan esepteýish quraldy laqtyryp jatqany túsirilgen videoǵa qatysty túsinik berdi, dep habarlaidy "Ult aqparat".
Bul video Instagram-daǵy qazaqstandyq pablikterdiń paraqshalarynda taralyp jatyr. Jeli paidalanýshylary belgisiz er adamnyń áreketine narazylyǵyn bildirip otyr.
Almaty qalasy politsiia departamenti bastyǵynyń orynbasary Rýstam Ábdirahmanov atalǵan faktini tekserý jumystary bastalyp ketkenin málimdedi.
«Men Qyrǵyzstandaǵy áriptesterimmen bailanysqa shyqtym, olar oqiǵanyń qyrǵyz elinde bolǵanyn, al tártip buzǵan A.A. esimdi 1992 jylǵy er adam tabylyp, Bishkektegi Oktiabr aýdandyq ishki ister basqarmasyna jetizilgenin rastady. Áriptester is boiynsha tergeý amaldaryn júrgizip jatyr», - dep jazdy Rýstam Ábdirahmanov Instagram paraqshasynda.
Qyrǵyzstandyq BAQ oqiǵanyń 2 tamyz kúni bolǵanyn naqtylady.
Alkogoldi ishimdikke toiyp alǵan er adam kassir áieldiń onymen oryssha sóileskeni úshin agressiia tanytqan.
Tártip buzýshyny militsiia alyp ketti.
