Foto: gov.kz
6637 áskeri bóliminiń áskeri qyzmetkeri - maior Erkin Jantýrin jolaýshylar poiyzynda qyzdy qorlaýdy josparlaǵan er adamdy ustady, - dep habarlaidy "Ult aqparat" QR Ulttyq ulanynyń baspasóz qyzmetine silteme jasap.
10 aqpanda saǵat 18.00 shamasynda "Almaty-Petropavl" baǵytyndaǵy jolaýshylar poiyzynda kezekti is-sapardan kele jatqan maior Erkin Jantýrin kórshiles kýpeden kómekke shaqyrǵan qyzdyń aiqaiyn estidi. Daýys shyqqan orynǵa jaqyndaǵanda, bireýdiń kýpe ishinde esikti ádeiilep jaýyp turǵanyn baiqaidy. Esikti kúshpen ashqan sátte, ol buryshta úreilenip otyrǵan qyzdy kóredi. Al qasyndaǵy er adam qyz balany qorlaýǵa tyrysqan.
Ofitser ony lezde ustap alady. Qyzdyń aitýy boiynsha, bir kýpede kele jatqan azamat oǵan tanys emes.
Er adam "Saryshaǵan" stantsiiasyndaǵy aialdamada politsiia qyzmetkerlerine tapsyrylǵan.
"Oqiǵa keshki ýaqytta oryn aldy. Meiramhana vagonynan keshki as ishkennen keiin kýpege kelip, tynyǵaiyn dep jatqanym sol edi, jas qyzdyń kómek surap, aiqailaǵan daýsyn estidim. Kýpege kirgen kezde er kisiniń qyzdy qorlaýǵa tyrysyp jatqanyn baiqadym jáne ony dereý ustadym", - dedi maior.
Qaraǵandy oblysynyń 36 jastaǵy turǵynyna qatysty qylmystyq is qozǵaldy.
