Búgin tańǵy saǵat 06:20 kezinde «Almaty-Óskemen» avtojolynyń boiynda, Shyǵys Qazaqstan oblysy Aiagóz aýdany Aiǵyrjal aýylynyń tusynda jol apaty boldy, dep habarlaidy "Ult aqparat".
Búgin tańǵy saǵat 06:20 kezinde Shyǵys Qazaqstan oblysy aýmaǵyndaǵy «Almaty-Óskemen» avtojolynyń 812 shaqyrymynda jol-kólik oqiǵasy oryn aldy.
«Qazirgi málimet boiynsha avtobýs júrgizýshisiniń uiyqtap ketýi saldarynan avtobýs aýdarylǵan. Kólikte 23 jolaýshy (onyń ishinde 14 adam Mońǵoliia azamaty) men 2 júrgizýshi boldy. Kólik apatynan 4 adam zardap shekti», - delingen QR Indýstriia jáne infraqurylymdyq damý ministrligi málimetinde.
Vedomstvonyń habarlaýynsha, avtobýs tehnikalyq tekserýden biyl 17 maýsym kúni ótken. Atalǵan jol ýchaskesinde «K-Dorstroi» AQ tarapynan jóndeý jumystary júrgizilip jatqan. Jol-kólik oqiǵasy oryn alǵan bul ýchaskede jol belgileri ornalasý tártibine sáikes ornatylǵan.
«Oqiǵa ornyna «K-Dorstroi» AQ ókilderi men Aiagóz aýdandyq ishki ister bóliminiń mamandary bardy. Qazir kólik apatynyń mán-jaiy anyqtalýda», - delingen habarlamada.
