Almaty Ortalyq Aziia elderiniń barlyq eriktilerin qabyldaýǵa daiyn. Bul týraly Almaty qalasynyń ákimi Baqytjan Saǵyntaev Instagram-paraqshasynda jazdy, dep habarlaidy "Ult aqparat".
Búgin, Almatyda Elbasy N. Á. Nazarbaevtyń bastamasy boiynsha jariialanǵan Jastar jylynyń aiasynda «Ortalyq Aziia jastary» festivali ashyldy. Uiymdastyrýshylar –QR Tuńǵysh Prezidenti qory men Almaty qalasynyń ákimdigi.
«Bizdiń qalamyz eki kún boiy 7 eldiń 400-ge jýyq daryndy jastary qatysatyn alańǵa ainalady. Qatysýshylar geografiiasyn keńeitýdi jáne bolashaqta Resei, Qytai, Koreia men Úndistannyń jáne basqa da elderdiń jastaryn shaqyrýdy ári festivaldy jyl saiyn ótkizýdi usyndym», - dep jazdy Baqytjan Saǵyntaev.
Aita keteiik, Prezident Qasym-Jomart Toqaev keler jyldy Eriktiler jyly dep jariialaǵan bolatyn.
«2020 jyly Almatyda óńir elderi eriktileriniń Jastar forýmyn ótkizýdi usynamyn», - deidi Almaty ákimi.
