Almaty oblysynyń Uiǵyr aýdanynda mektep direktory asylyp, kóz jumdy, dep habarlaidy QazAqparat.
Qaiǵyly jaǵdaidy Almaty oblystyq bilim basqarmasynyń baspasóz qyzmeti rastady. 1975 jylǵy er adam óz úiinde asylyp qalǵan.
«Azizjan Týrsýnovich Daraev 2011 jyldan bastap osy ýaqytqa deiin Úlken Aqsý aýylyndaǵy Ǵ.Sadvakasov atyndaǵy orta mekteptiń direktory bolyp jumys istegen. Úilengen, otbasy bar», - delingen vedomstvonyń habarlamasynda.
Marqumnyń artynda úsh balasy, jubaiy qaldy.
Eki balasy stýdent, bir balasy mektepte oqidy.
«Búgingi kúni Uiǵyr aýdandyq politsiia bóliminde oryn alǵan jaǵdai boiynsha qylmystyq is qozǵalyp, tergeý amaldary júrgizilip jatyr», - dep tolyqtyrdy atalǵan vedomstvonyń baspasóz qyzmetinen.
