Almaty oblysynda kólik apatynan 5 adam mert boldy. Qaiǵyly jaǵdai Uiǵyr aýdanyndaǵy «Shońjy-Aqsý-Uzyntam» jolynda bolǵan, dep habarlaidy QazAqparat.
Almaty oblystyq Politsiia departamentiniń baspasóz qyzmetiniń málimetinshe, oqiǵa búgin saǵat 10:25 shamasynda «Shońjy-Aqsý-Uzyntam» jolynyń 3-shi shaqyrymynda bolǵan.
«Aldyn ala boljam boiynsha «Audi» jáne «Nissan» kólikteri soqtyǵysqan. Saldarynan eki kólik te otqa oranǵan. Eki transporttyń da júrgizýshisi men «Nissan» kóliginiń bir jolaýshysy oqiǵa ornynda mert boldy. Taǵy 3 jolaýshy túrli dene jaraqatymen Shonjydaǵy aýrýhanaǵa jetkizildi. Ol jerde eki adam kóz jumdy. Al 5 jastaǵy bala jansaqtaý bóliminde jatyr» - delingen vedomstvonyń habarlamasynda.
Qazir atalǵan fakti boiynsha QR QK 345 baby 4-shi bóligine sáikes sotqa deiingi tergeý júrip jatyr.
