Búgin QR Prezidenti Ákimshiligi jáne aýdandyq máslihattyń kelisimimen jáne Almaty oblysy ákimi Amandyq Batalovtyń ókimimen Talǵar jáne Panfilov aýdandaryna jańa ákimder taǵaiyndaldy. Bul týraly "Ult aqparat" aýdan ákimdiginiń baspasóz qyzmetine silteme jasap habarlaidy.
Panfilov aýdanyna ákim bolyp Talǵat Ómiráliev taǵaiyndaldy.
«Oblys basshysy Amandyq Batalov aýdan aktivine jańa ákimdi tanystyryp, qyzmetine sáttilik tiledi. Panfilov aýdanynyń burynǵy ákimi Temirlan Bektasov basqa jumysqa aýysýyna bailanysty qyzmetinen bosatyldy» delingen baspasóz baianynda.
Aita keteiik, osy kúni Talǵar aýdanyna da jańa ákim taǵaiyndaldy. QR Prezidenti Ákimshiliginiń kelisimimen Talǵar aýdanynyń ákimi laýazymyna usynylǵan Jolan Omarovtyń kandidatýrasyna aýdandyq máslihat depýtattary biraýyzdan qoldaý bildirdi. Búgin oblys ákimi Amandyq Batalov Talǵar aýdanynda bolyp, jańa ákimdi tanystyrdy.
Eske sala keteiik, buǵan deiin habarlaǵanymyzdai Temirlan Bektasov oblys ákimi apparatynyń jetekshisi bolyp taǵaiyndalǵan edi.
