Almaty oblystyq Sybailas jemqorlyqqa qarsy is-qimyl departamenti eki adamǵa izdeý salyp, fotosýretterin jariialady. Olar qolǵa túskende birden qamaýǵa alynady, dep habarlaidy QazAqparat.
Izdestirilip jatqandar jaily aqparat pen sýrettteri atalǵan departamenttiń Instagram-daǵy resmi paraqshasyna jariialandy.
33 jastaǵy Kýdrat Rozahýnov - Almaty qalasynyń turǵyny. Ol qolǵa túsken sátte qamaýǵa alynady.
Izdeý jariialanǵan ekinshi adam – Jangazy Baibekov. 54 jastaǵy azamat - Almaty oblysy Eskeldi aýdanynyń turǵyny. Erekshe belgileri, erniniń joǵary tusynda tyrtyq bar. Ony da sot sanktsiiasymen birden qamaý buiyrylǵan.
Alaida, kúdiktilerge naqty qandai aiyp taǵylyp otyrǵany aitylmaǵan.
Departament málimetine sáikes, aqparat bergender jaily málimet qupiia túrinde qalady jáne olarǵa syiaqy qarastyrylǵan.
«Eger osy sýrette kórsetilgen adamdardy tanyǵandar bolsa, birden Almaty oblystyq sybailas jemqorlyqqa qarsy is-qimyl departamentine habar berýdi suraimyz. Bizdiń mekenjaiymyz Taldyqorǵan qalasy, Kabanbai batyra kóshesi 36/42, telefon: 8 (7282) 24-70-13, 24-76-23 (kezekshi bólim úzilissiz isteidi), 8 775 212 19 91», - delingen vedomstvonyń habarlamasynda.
