Almaty oblysynyń ákimi Amandyq Batalov Facebook áleýmettik jelisinde jeke paraqshasyn ashty, dep habarlaidy "Ult aqparat" oblys ákimdiginiń baspasóz qyzmetine silteme jasap.
"Qurmetti jetisýlyqtar! Almaty oblysynyń ákimi Amandyq Batalov Facebook áleýmettik jelisinde jeke paraqshasyn ashty. Sizderdi osy paraqsha arqyly oblystaǵy jańalyqtarmen tanysýǵa, dialog arqyly óńirdegi ózekti máselelerdi birlesip sheshýge shaqyramyz" delingen oblys ákimdiginiń baspasóz habarlamasynda.
Aita ketsek, Memleket basshysy Qasym-Jomart Toqaev ákimderge halyqpen ózara yqpaldastyqtyń jańa formatyn damytyp, áleýmettik jelilerde belsendi bolýyn tapsyrǵan edi. Bul tapsyrmadan keiin Qaraǵandy oblysynyń ákim ákimi Erlan Qoshanov “Tvitter” jelisine tirkelip, aldaǵy ýaqytta turǵyndardy alańdatqan ár máseleni jeke baqylaýyna alatynyn habarlady. Sondai-aq, SQO ákimi Qumar Aqsaqalov ta Facebook áleýmettik jelisinen jeke paraqshasyn ashty.
