Almaty oblysynda parashiýtpen josparly sekirý oqý-jattyǵýyn oryndaý kezinde áskeri qyzmetker qaza tapty, - dep habarlaidy "Ult aqparat" Qorǵanys ministrligine silteme jasap.
Oqiǵa 14 qyrkúiekte bolǵan.
"Almaty oblysynda parashiýtpen josparly sekirý oqý-jattyǵýyn oryndaý kezinde Qarýly Kúshterdiń áskeri qyzmetshisi, áskeri sheni "kapitan", 1990 jyly dúniege kelgen ofitser qaza tapty. Týystarynyń ótinishi boiynsha ózge aqparat jariia etilmeidi", - delingen habarlamada.
Ministrlik baspasóz qyzmetiniń málimetinshe, buryn ol 50 shaqty ret parashiýtpen sekirgen. Shtattan tys parashiýtti-desant qutqarýshylar tobynyń quramyna kirgen.
Qaiǵyly jaǵdaidyń mán-jaiy anyqtalyp jatyr.
"Qorǵanys ministrliginiń basshylyǵy jáne Qarýly Kúshterdiń jeke quramy qaza bolǵan áskeri qyzmetshiniń jaqyndary men týystaryna qaiǵyryp kóńil aitady. Qorǵanys ministrligi áskeri qyzmetshiniń otbasyna kómek kórsetý jónindegi qajetti sharalardy qabyldaidy", - deidi vedomstvo ókilderi.
