Almaty oblysynda dúkendegi janjaldyń sońy pyshaq suǵýmen aiaqtaldy, dep habarlady Sputnik agenttigi Polisia.kz portalyna silteme jasap.
28 qarashaǵa qaraǵan túni Qaskeleń qalasynyń ortalyq aýrýhanasyna pyshaq jaraqatymen Shamalǵan stantsiiasynyń 35 jastaǵy turǵyny jetkizilgen.
Qarasai aýdany politsiiasy atalǵan derekti qylmystyq kodekstiń 24-baby 3-bóligi; 99-baby 1-bóligi "adam óltirýge oqtalý" boiynsha sotqa deiingi tergep-tekserýdiń biryńǵai tizilimine tirkedi.
Jedel izdestirý is-sharalarynyń nátijesinde politseiler kúdiktini anyqtady. Ile aýdanynyń 37 jastaǵy turǵyny 7 jeltoqsanda Altyn Orda bazarynda ustalyp, ýaqytsha ustaý izoliatoryna qamaldy.
Dálelder keltirilgen soń kúdikti qylmysyn moiyndady. Ol dúkenge alty bótelke syra iship kelgenin, basqa satyp alýshynyń satýshyǵa tiiskenin unatpai qalǵanyn aitty. Janjal kezinde ol jábirlenýshiniń arqasyna birneshe ret pyshaq suqqan.
Sodan keiin er adam qylmys ornynan qashyp, pyshaqty laqtyryp ketken.
Sotqa deiingi tergeý jalǵasyp jatyr.
