Almaty oblysynyń Narynqol jáne Uiǵyr aýdandarynda halyqtyq teatr ashylady, - dep habarlaidy "Ult aqparat".
Almaty oblystyq Mádeniet, arhivter jáne qujattama basqarmasynyń basshysy Márlen Kólbaevtyń sózinshe, Narynqoldaǵy ujymnyń ónerin qazan aiynyń sońynda tamashalaý josparlanǵan.
«Negizi josparǵa sáikes Narynqoldaǵy halyqtyq teatrdyń ujymy ózderiniń ónerlerin aidyń sońynda kórsetedi. Ol jer 15 shtat surap otyr. Sol siiaqty Uiǵyr aýdanyndaǵylar da osyndai josparlaryn jetkizýde. Biraq jyl sońy bolǵandyqtan oǵan biýdjet qarastyrylmaǵan. Biraq jyl basynda qarajatty halyqtyq teatrǵa qarastyramyz dep josparlap otyrmyz», - dedi Márlen Kólbaev.
Basqarma basshysynyń sózinshe, qazir Almaty oblysynda 6 halyqtyq teatr bar. Olardyń biri Panfilov, Kóksý, Aqsý aýdandarynda.
«Halyqtyq teatr ol jalpy eldi-mekendegi ónerli jandardyń birigip qurǵan toptary ǵoi. Biz árine óz tarapymyzdan qoldaýǵa daiynbyz. 27-naýryz Halyqaralyq teatr kúnine orai jylda halyqtyq teatr ujymdarynyń basyn qosyp, ónerlerin kópshilikke tartý etý josparymyzda. Biyl pandemiiaǵa bailanysty mundai sharany ótkize almadyq», - dedi Basqarma basshysy.
