Almaty oblysynda AN-2 ushanynyń nelikten jerge qonýǵa májbúr bolǵany anyqtaldy, dep habarlaidy "Ult aqparat".
QR Tótenshe jaǵdailar ministrliginiń resmi ókili Talǵat Ýálidiń habarlaýynsha, ushaq qozǵaltqyshynyń jumys istemei qalýy sebepti shuǵyl túrde jerge qonýǵa májbúr bolǵan. Ushaqta 2 ekipaj múshesi jáne 3 jolaýshy (medikter) bolǵan.
Zardap shekkender men qaza tapqandar joq. Ushaq ońtústik baǵyttaǵy ushý-qoný jolaǵynan 1,5 shaqyrym jerge qondy.
Oqiǵa ornyna TJD (7 qyzmetker men 2 birlik tehnika), «Boraldai» aerodromy aviatsiialyq qaýipsizdik qyzmeti mamandary (15 qyzmetker men 5 birlik tehnika) bardy.
Aita keteiik, osyǵan deiin, Boraldai - Kegen baǵytyndaǵy sanitarlyq reistiń májbúrli túrde jerge qonǵandyǵyn habarlaǵanbyz.
«Oqiǵa 2021 jyldyń 26 aqpanynda saǵat 12.26-da bolǵan. Ile aýdanynyń Boraldai kentinde «Boraldai-Kegen» baǵytynda sanitarlyq aviatsiia boiynsha áýejaidan ushyp shyqqan AN-2 ushaǵy qozǵaltqyshynyń jumys istemei qalýyna bailanysty shuǵyl jerge qonýǵa májbúr boldy»,-dep málimdedi resmi ókil.
