Foto: Almaty oblysy ákimdigi
Almaty oblysynda týrister mingen avtobýs jol apatyna ushyrady. Zardap shekkender bar, dep habarlaidy «Ult aqparat» oblystyq ákimdiktiń baspasóz qyzmetine silteme jasap.
Jol apaty búgin, 27 mamyr saǵat 10:20-da Kegen jáne Eńbekshiqazaq aýdanynyń shekaralas aýmaǵynda bolǵan.
«Aldyn ala aqparat boiynsha, avtobýs QazAvtoJol jelisine jatatyn Alasa asýyndaǵy kúrdeli jol burylysynda joldan shyǵyp ketken. Oqiǵa ornyna dereý Kegen aýdanynan eki jedel járdem brigadasy shyqty. Avtobýsta 37 týrist bolǵan. Kegen aýdandyq aýrýhanasyna 5 adam, Jalaǵash aýdandyq aýrýhanasyna 4 adam, Shelek aýylyna 4 adam jetkizildi», - dep habarlady ákimdikten.
Qaza tapqan eshkim joq.
«Jol apatynyń sebebi ázirge belgisiz, tergeý júrip jatyr. Zardap shekkenderdiń jaǵdaiy turaqty, týrister dárigerlerdiń baqylaýynda»,- dep atap ótti ákimdikten.
