Almaty oblysy Talǵar aýdanynyń burynǵy ákimi S. Erekeshev pen bólim basshysyna sot úkimi shyqty, dep habarlaidy QR Sybailas jemqorlyqqa qarsy is-qimyl agenttigi.
«Aǵymdaǵy jyldyń 14 jeltoqsanynda Almaty oblysy Talǵar aýdandyq sotynyń úkimimen Talǵar aýdanynyń burynǵy ákimi Erekeshev sottalyp, oǵan 59,4 mln teńge aiyppul salyndy.
Osy úkimmen Talǵar aýdanynyń turǵyn úi-kommýnaldyq sharýashylyq jáne turǵyn úi inspektsiiasy bóliminiń basshysy Shamaev 29,7 mln teńge aiyppulǵa sottaldy», - delingen habarlamada.
Vedomstvo málimetinshe, atalǵan laýazymdy tulǵalar JShS direktorynan sýmen jabdyqtaý júiesiniń qurylysy boiynsha oryndalǵan jumystardyń aktilerine qol qoiǵany jáne JShS-ny memlekettik qyzmetterdi josyqsyz jetkizýshi dep taný týraly sotqa talap-aryz jibermeý úshin 2 mln teńge somasynda para alǵan.
Úkim zańdy kúshine engen joq.
