Taldyqorǵandyq politseiler jappai tártipsizdikter kezinde Almaty oblysy ákimdiginiń ǵimaratyn tonaǵan kúdiktilerdi ustady, dep habarlaidy QazAqparat.
Óńir ákimdiginiń Taldyqorǵanda ornalasqan ǵimaratyn qiratyp, órtep jatqan kezde 24 jáne 28 jastaǵy qala turǵyndary keńse tehnikasyn, turmystyq zattardy qoldy qylǵan. Kúdiktiler tipti qalam-qaryndash syndy usaq keńse taýarlary men býma-býma ájethana qaǵazyn áketkenin moiyndady.
Qazir olardyń kinási aiǵaqzattarmen dáleldenip, ýaqytsha ustaý izoliatoryna qamaldy. Qylmystyq kodekstiń 188-baby boiynsh sotqa deiingi tergeý bastaldy.
«Munyń barlyǵy ákimdiktiń zattary», - dedi kúdikti politsiia usynǵan videoda.
Sondai-aq Almaty oblysyndaǵy jedel operatsiialar barysynda 133 adamǵa ustalyp, 188 qylmystyq is qozǵaldy. 300-ge jýyq azamat ákimshilik jaýapkershilikke tartyldy. Qoldy bolǵan 181 qarý qaitaryldy. Onyń 110 danasy «Makarov» tapanshasy. Qarý-jaraqty ózderi ákelip ótkizip jatqandar da bar.
