Almaty metrosynyń jolaýshylaryna prank jasaǵan úsh jigit jaýapqa tartyldy, – dep habarlaidy Polisia.kz.
Metropolitendegi Politsiia basqarmasynyń málimetinshe, úsh jas jigit Almaty metrosynyń jolaýshylaryna prank jasaǵan. Olar mýzykalyq kolonkanyń kómegimen áýendi qatty daýysqa qoiyp, azamattardyń narazylyǵyna nazar aýdarmaǵan.
– Keibir jolaýshylar áýenniń kenetten oinaǵanyn kútpegendikten, qoryqqan. Olardyń biri “Jibek joly” beketinde qyzmet etetin politsiia qyzmetkerlerinen kómek surady. Qoǵamdyq tártipti buzǵandar inspektordyń zańdy talaptaryna qarsylyq tanytty. 19 jáne 22 jastaǵy A., K. jáne A.esimdi azamattardyń áreketteri QR ÁQbK-niń 434-baby (Usaq buzaqylyq) boiynsha kvalifikatsiialanǵan. Ákimshilik istiń materialdary jinaqtalyp, sheshim qabyldaý úshin sotqa jiberildi, – dedi Metropolitendegi PB bastyǵynyń orynbasary Qairat Jurunov.
